Diwani ya Safari ya Matarajio ni mkusanyiko wa hadithi zinazotalii masuala mtambuko katika jamii. Hadithi hizi zinaangazia masuala ya matezi na jinsi yanavyoathiriwa na wazazi kupuuza majukumu yao; misukosuko ya maisha inayozima ndoto za vijana na vile wanavyojizatiti kujikwamua; vyombo vya dola na mashirika ya kujitolea yanavyowaruzuku wanajamii; maumbile na jinsia yanavyogeuzwa msingi wa maonevu na vizingiti vya maendeleo miongoni mwa masuala mengine. Diwani hii inawasawiri wahusika katika hali zao ngumu huku ikionyesha jinsi wanavyojikwamua na kujiendeleza.